لامــونــي .. من الأغاني الجميلة .. تذكرني بأيام الجامعة
تذكرني بشارع دمشق
كنت اسمعها وانا طالعة من الجامعة واظل اعيدها لين اوصل البيت
حبيتها يمكن لاني احب هذا النوع من التفعيلات بالقصيدة الغنائية
حبيتها يمكن لاني احب الاغاني اللي في مُرجّعاتها أمثال
حبيتها يمكن لأن اللحن عجبني ..
الايقاعات .. الريقي بدخول الاغنية .. السولوات .. الكمنجة بآخرها
بس لاشك ان الكلام اثر فيني اكثر .. عموما كل هذا يدل على ذكاء أصيل في اختياراته
اخليكم مع الاغنية ...
لاموني كل الناس وقالوا يا جريح
.
داري على قلبك في الحب لا تطيح
.
درب الهوى إحذر من جرحه تصيح
.
باب ٍ يجيب الريح سده واستريــح
.
.
.
كم عاشقٍ قبلك عانى وانجرح ؟؟
.
له في الحزن أيام .. ولحظة في الفرح
.
خلك مع نفسك لو مرة صريح
.
بابٍ يجيب الريح سده واستريح
.
.
.
حلو الهوى دايم بس في أوله
.
واللي خفى منه قلبك يجهله
.
دامك خلي البال خلك مستريح
.
بابٍ يجيب الريح سده واستريح
.
.
.
من ذاق طعم الحب مر بتجربه
.
هام فبحر عشقه وضيّع مركبه
.
طيرٍ تعلاّ فوق لابد ما يطيح
.
بابٍ يجيب الريح سده واستريح
.
.
.
.
.
أشوفكم على خير
هناك 4 تعليقات:
ومن يقول خلي البال مستريح
كلمات ناعمة
ولكم بالك وتر سادس
اختيارات موفقة
سويته يا هلا ومرحبا فيج
صار اسمج مرتبط عندي بالوتر السادس تبارك الله دايما من السباقين
نورتي مدونتج حبيبتي
مساء الخير
صراحه..هذي الاغنيه
كنت اسمعهاااا بتكرار عجيب
بس كل مره كانها اول مره
انتي تذكرج بالشارع السياره وطلعتج
انا تذكرني بمجلسي...اطفي الانوار وعلي ضوء الابتوب فقط...اسمعهااا..واكتب
ايااااام
لي عودات لمدونااااااااتج
تحيتي لج
صوت المدامع صباح الورد
بعض الأغاني تمر مرور الكرام وبعضها يبقى بالذاكرة
يلامس اشياء فينا ويذكرنا باشياء كثيرة
مرورك وعزفك هنا كان له اثر جميل علي
نورتي المدونة وتنورينها بأي وقت
دمت ودام تواصلك
إرسال تعليق