لا أجد كلمات لأعبر عن فنان بهذا الحجم
يكفي فقط ان تكون الألحان له
ليصاحب النجاح الأغنية
..
ولابد من اشارة هنا للعنود
فقد ارتبط هذا الاسم بالفن الكويتي
في وقتٍ كان فيه الصوت النسائي الخليجي
عملة نادرة
..
.
.
.
دقت الساعة وبانت الأسرار . . . يوم الله راد بيّن حقايقهــــا
يابتني صوبك رحمة الأقدار . . . شفتك وراها تمشي تلاحقها
تحجي لها عن زحمة الأفكار . . . وانك تحبها وانت عاشقـهــا
توصف لها انك تعيش بنار . . . وانـك فلاها .. تقدر تفارقــهــا
هذا الحجي اللي تقوله باستمرار . . . من الكتب جم كلمة سارقها
لي شفت وحدة تنعم الأبصار . . . عينك تزوغ على مشارقـــهـا
مع الأسف اني احب غدار . . . روحي العزيزة اهو حارقهــا
سهله عليك انك تحط أعذار . . . صعبة علي اني اصدقــهــــا
.
.
.
أشعر بأكثر من روح في هذا النص
رغم سلاسته وشفافيته ..
ورغم الاحساس بالالم الصادق والواضح به
إلا وكأن كتابته مرت بمراحل
أوتدخلات
البيت الخامس قوّى عندي هذا الانطباع
على أي حال
تبقى مجرد وجهة نظر
.
.
هناك تعليقان (2):
امبييييييه عاد انا كلش ماحب هالمغني بس صج صج اعجبتني الإغنيه مشكوره وايديين ووايدات :*
بس سين سؤال الاغنيه حقه والا حق الي اسمها عنود ؟؟
عنود هذي صوتها يعطي احساس النافوره الراقصه ليش مادري :\
خارج التعليق :
هالبرنامج الي انتي ماخذه من الاغنيه بصوت سليمان الملا مره شفته وطول البرنامج انا ميته ضحك لان تلفزيون الكويت حد امهم بدعوووووا يعني مسويين برنامج كوول حاطين اثنين ماتدرين منهو المقدم ومنو الضيف كل واحد يقرقه ويطقون سوالف وكل واحد يدندن والله مت من الضحك عليهممممممم متى يتعدل تلفزيوناااااا ويصير مثل الأوام مو مثل الشسمه شسمونه ;a
لووووووووووووووووول كويت
انا ما احبه كمطرب
بس كملحن خطير بصراحة بالنسبة لي
وصاااااجه على سالفة النافورة الراقصة اهي طلعت بذيج الحزة بعد لووول حسبي الله على بليسج ضحكتيني هههههه
تلفزيونا ماراح يتعدل إلا لما نعدله احنا بالاول كل شي بالديرة ما يتصلح إلا بيدنا احنا .. وبيني وبينج انا ما شفته البرنامج لكن اشوفه المقاطع باليوتيوب
نورتي يا عسل
إرسال تعليق